एनपीएल : काठमाण्डौलाई हराउँदै जनकपुर एक खेलअघि नै प्लेअफमा
काठमाण्डाै – काठमाण्डाै गुर्खाजलाई ५ विकेटले हराउँदै जनकपुर बाेल्ट्स एक खेलअघि नै नेपाल प्रिमियर लिग (एनपीएल) क्रिकेटकाे प्लेअफमा पुगेकाे छ ।
काठमाण्डौले दिएको १ सय २ रनको लक्ष्य जनकपुरले १५ ओभर ५ बलमा ५ विकेट गुमाएर भेटायो । जनकपुरका जेम्स नीशमले २७, हर्ष ठाकरले नटआउट २५ रन बनाए । काठमाण्डौका कप्तान करण केसीले २ विकेट लिए ।
यसअघि कीर्तिपुरको त्रिवि क्रिकेट मैदानमा टस जितेर ब्याटिङ गरेको काठमाण्डौ १९ ओभर ३ बलमा १ सय १ रनमा अलआउट भयो । काठमाण्डौका गेरहार्ड इरस्मसले २०, कप्तान करण केसीले १९ रन बनाए । जनकपुरका ललित राजवंशी र शेर मल्लले ३/३ विकेट लिए । ललितले ४ ओभरमा २ मेडन राख्दै जम्मा ८ रन दिए ।
यो जीतसँगै जनकपुर ६ खेलमा १० अङ्कसहित तालिकाको शीर्ष स्थानमा उक्लिएको छ । जनकपुर प्लेअफमा पुग्ने पहिलो टोली बनेको छ । काठमाण्डौ ५ खेलमा ४ अङ्कसहित पाँचौं स्थानमा छन् ।
Recent News
-
January 22, 2025रूपन्देहीमा रविको बयान : बिहीबारदेखि थुनछेक बहस
-
January 22, 2025नीतिगत रूपमा स्थायित्व सोच्न सक्ने अवस्थामा छैनौँ : शंकर पोखरेल
-
January 22, 2025सरकारले नागरिकमा आशा जगाउने काम गरिरहेका छौँः उपप्रधानमन्त्री सिंह
-
January 22, 2025नेपाल र चीनको युवान प्राप्तबिच युथ फुटबल हुने
-
January 22, 2025आज शेयर बजार ५२ अंकले बढ्यो
