इजरायलले लेबनानमा गरिरहेको आक्रमण रोक्न अमेरिकाले प्रस्ताव पठाएको पुष्टि
लेबनानको संसदका अध्यक्षले आफ्नो देशमा इजरायलले गरिरहेको आक्रमण रोक्ने विषयमा अमेरिकाबाट प्रस्ताव आएको पुष्टि गर्नुभएको छ ।
लेबनानी संसदका अध्यक्ष नबिह बेरीले लेबनानमा युद्धविरामको लागि अमेरिकाबाट प्रस्ताव प्राप्त गरेको र वातावरण सकारात्मक रहेको बताउनुभएको चिनियाँ समाचार संस्था सिन्ह्वाले जनाएको छ ।
बेरीले प्रस्तावमा लेबनानमा इजरायली सेनालाई आवागमनको स्वतन्त्रता दिने कुरा समावेश भएको अस्वीकार गर्नुभएको छ । आफ्नो देशमा इजरायली सेनाको प्रवेश अस्वीकार्य रहेको र यसमा छलफल पनि गर्न नसकिने र सार्वभौमिकतामा कुनै पनि उल्लङ्घन स्वीकार नगर्ने उहाँको भनाइ छ ।
लेबनानको विद्रोही समूह हिजबुल्लाहविरुद्धको आक्रमणका क्रममा इजरायलले गरेको आक्रमणमा लेबनानमा एक वर्षको अवधिमा ३२ सय जना भन्दा धेरैको ज्यान गइसकेको छ ।
Recent News
-
March 17, 2025एपीएफलाई हराउँदै आर्मीको लगातार पाँचौं जीत
-
March 17, 2025सन् २०२४ मा समुद्र सतहमा अनपेक्षित वृद्धि
-
March 17, 2025युक्रेन युद्धबारे ट्रम्पले भाेलि पुटिनसँग कुरा गर्ने
-
March 17, 2025राष्ट्रियसभाबाट तिलगङ्गा विश्वविद्यालय विधेयक पारित
