वायु प्रदूषण नियन्त्रणका लागि भारतको सङ्घीय राजधानी दिल्लीमा ‘प्लान थ्रीु’ लागू
भारतको सङ्घीय राजधानी दिल्लीमा वायु प्रदूषण नियन्त्रण गर्न ग्रेडेड रेस्पोन्स एक्शन प्लान थ्री लागू भएको छ । हावाको गुणस्तर मापन सूचक (एक्यूआई) पछिल्लो ३ दिनदेखि लगातार ४ सयभन्दा माथि पुगेपछि सरकारले ‘प्लान थ्री ‘लागू गरेको बीबीसी हिन्दीले जनाएको छ ।
बिहान ८ बजेदेखि लागू भएको योजना अर्को सूचना प्रकाशन नभएसम्मका लागि लागू हुने छ । यो योजनाअन्तर्गत विद्यालयका कक्षा ५ सम्म बन्द हुनेछन् । दिल्ली सरकारले अनलाइन कक्षा सञ्चालन गर्न भनेको छ । यस्तै भारत स्टेज स्टयान्डर्ड (बीएस) थ्री पेट्रोल र बीएस फोर डिजलबाट चल्ने गाडीहरूमा रोक लागेको छ ।
यस्तै भवन भत्काउन र निर्माण कार्यमा पनि रोक लागेको छ । टाइल्स, ढुङ्गा लगायत काट्न र भाँच्न रोक लागेको छ । घरहरूमा सानातिना मर्मतबाहेक सिमेन्ट, प्लास्टर वा अन्य कोटिङ्ग्सको प्रयोग हुने कामहरू गर्न पाइने छैन । डिजलबाट चल्ने जेनेरेटरहरू चलाउन पाइने छैन ।
Recent News
-
November 15, 2024उपनिर्वाचनका लागि ३८ वटा निर्वाचन अधिकृतका कार्यालय स्थापना गर्यो
-
November 15, 2024सक्षम र पारदर्शी प्रशासन सरकारको उच्च प्राथमिकतामाः प्रधानमन्त्री
