सिरहाको कर्जन्हा नगरपालिकाका तत्कालीन मेयर र ५ जना भ्रष्टाचार मुद्दामा दोषी ठहर
काठमाण्डौ।सिरहाको कर्जन्हा नगरपालिकाका तत्कालीन मेयर र प्रमुख प्रशासकीय अधिकृतसहित ५ जना भ्रष्टाचारको मुद्दामा दोषी ठहर भएका छन् ।
अख्तियार दुरुपयोग अनुसन्धान आयोगले दायर गरेको मुद्दामा विशेष अदालतले उनीहरूलाई दोषी ठहर गरेको हो । दोषी ठहर हुनेमा नगरपालिकाका पूर्वमेयर गङ्गा पासवान, प्रमुख प्रशासकीय अधिकृत जगदीश मण्डल, अर्का निमित्त प्रमुख प्रशासकीय अधिकृत बुद्धिमान दनुवार, लेखापाल प्रवीणकुमार महतो, निर्माण व्यवसायी बैजनाथ यादव रहेका विशेष अदालतले जनाएको छ ।
उनीहरूलाई सजाय निर्धारणका लागि आउँदो मङ्सिर १० गतेका लागि तोकिएको छ । आयोगले गएको चैत १४ गते विशेष अदालतमा मुद्दा दायर गरेको थियो । प्रशासनिक भवन निर्माणका लागि भएको ठेक्कामा उनीहरूले अनियमितता गरेको ठहर गर्दै आयोगले मुद्दा दायर गरेको थियो । आयोगले तत्कालीन मेयर पासवानसहित पाँचै जनालाई विपक्षी बनाउँदै एक करोड ८ लाख रुपैयाँ बिगो बमोजिम जरीमाना र कैद सजायको माग गरेको थियो ।
Recent News
-
November 15, 2024उपनिर्वाचनका लागि ३८ वटा निर्वाचन अधिकृतका कार्यालय स्थापना गर्यो
-
November 15, 2024सक्षम र पारदर्शी प्रशासन सरकारको उच्च प्राथमिकतामाः प्रधानमन्त्री
