धौलागिरिमा ज्यान गुमाएका पाँचजना रुसी पर्वतारोहीको शव काठमाण्डौ ल्याइयो
काठमाण्डौ । धौलागिरि हिमाल आरोहणका क्रममा ज्यान गुमाएका पाँचजना रुसी पर्वतारोहीको शव सङ्कलन गरेर आज काठमाण्डौ ल्याइएको छ । सात हजार एक सय मिटर उचाइमा मृतावस्थामा भेटिएका उनीहरूको शव आज (बुधबार) सङ्कलन गरी हेलिकप्टरमार्फत काठमाण्डौ पठाएको जिल्ला प्रहरी कार्यालय म्याग्दीका प्रमुख एवम् प्रहरी नायब उपरीक्षक ९डीएसपी० भरत श्रेष्ठले जानकारी दिनुभयो ।
एअर अल्टिच्युडको हेलिकप्टरबाट हिमालमा पुगेका सेभेन समिट ट्रेकका सञ्चालक मिङ्मा शेर्पासहितको पाँज जना शेर्पाको टोलीले शव उठाएर इटली आधार शिविर झारेका थिए । काठमाण्डौ ल्याइएका शवलाई त्रिवि शिक्षण अस्पतालमा राखिएको छ ।
रुसका अलेक्जेन्डर दुशेको, ओलेग कुर्गलोभ, भ्लालिमिर चिस्तिकोभ, मिखाइल नोसेन्को र डिमित्री शालिलेभोइको शव गएको २३ गते दिउँसो भेटिएको थियो । हेलिकप्टर अवतरण गर्न र मानिस हिँडेर पुग्न नसकिने ठाउँमा रहेका शव मौसमको खराबी र प्रतिकूल भूगोलका कारण सङ्कलन गरेर घटनास्थलबाट ल्याउन ढिलाइ भएको हो ।
Recent News
-
February 4, 2025जलवायु परिवर्तन विश्वको प्रमुख चिन्ता : राष्ट्रपति पौडेल
-
February 4, 2025दक्षिण कोरियाका युन महाभियोग सुनुवाइका लागि पुनः अदालतमा
