यू–१९ विश्वकप एशिया छनोट : युवराज खत्रीले ५ विकेट लिएपछि ओमान १ सय १७ रनमा अलआउट
काठमाण्डौ । आईसीसी १९ वर्षमुनिको विश्वकप एशिया छनोटमा ओमानले नेपाललाई १ सय १८ रनको लक्ष्य दिएको छ । माथिल्लो मूलपानी क्रिकेट मैदानमा टस हारेर ब्याटिङको निम्तो पाएको ओमानले ३८ ओभरमा १ सय १७ रन बनाउँदा सबै विकेट गुमायो । ओमानका जीत व्रजेश शाहले सबैभन्दा धेरै ५२ रन बनाए । नेपालका युवराज खत्रीले ५ विकेट लिए ।
प्रतियोगितामा नेपालको यो दोस्रो खेल हो । हिजो आफ्नो पहिलो खेलमा नेपालले यूएईलाई डीएसएल मेथडका आधारमा ५ रनले हराएको थियो ।
एशिया छनोटमा नेपाल, ओमानसहित यूएई, अफगानिस्तान र हङकङ सहभागी छन् । छनोटमा शीर्ष स्थानमा रहने टोली आउँदो वर्ष हुने १९ वर्षमुनिको विश्वकपमा छनोट हुनेछ । प्रतियोगिताका खेलहरू माथिल्लो र तल्लो मूलपानी मैदानमा भइरहेका छन् ।
Recent News
-
April 23, 2025डोटीको जोरायलमा ट्रक दुर्घटना हुँदा तीन जनाको ज्यान गयो
-
April 23, 2025कक्षा १२ को परीक्षा सर्यो, आउँदो २१ गतेदेखि सञ्चालन हुने
-
April 22, 2025१२ को परीक्षा सर्यो, वैशाख २१ देखि गर्ने बोर्डको निर्णय
