• April 14, 2025

पूर्वराष्ट्रपति भण्डारीद्वारा नयाँ वर्षको शुभकामना, राष्ट्रिय एकता र सुशासनमा जोड

काठमाण्डौ । पूर्वराष्ट्रपति विद्यादेवी भण्डारीले नयाँ वर्ष २०८२ को अवसरमा विश्वभर रहेका नेपालीहरूलाई शुभकामना सन्देश जारी गर्दै राष्ट्रिय एकता, सुशासन र समृद्धिको मार्गमा अघि बढ्न आह्वान गर्नुभएको छ। शुभकामना सन्देशमा भण्डारीले सम्पूर्ण नेपाली नागरिकहरूमा शान्ति, समृद्धि र प्रगतिको हार्दिक शुभकामना व्यक्त गर्नुभएको छ। नयाँ वर्षलाई नवीकरण र आशाको समयको रूपमा औँल्याउँदै उहाँले बलियो र समृद्ध नेपाल निर्माणका लागि सबैलाई एकजुट भएर काम गर्न आग्रह गर्नुभएको छ।

उहाँको सन्देशका मुख्य बुँदाहरू
सुशासनमा जोड
पूर्व राष्ट्रपति भण्डारीले राजनीतिक दल र निर्वाचित पदाधिकारीहरूलाई सुशासनलाई प्राथमिकता दिन र नागरिकलाई सहज सेवा प्रवाह सुनिश्चित गर्न आग्रह गर्नुभएको छ ।

राष्ट्रिय एकता
उहाँले सबै नेपालीहरूलाई राष्ट्रिय लक्ष्य हासिल गर्न एकजुट भएर काम गर्न आह्वान गर्नुभएको छ ।

समृद्धि र विकास
पूर्व राष्ट्रपति भण्डारीलेले नयाँ वर्षले समृद्ध नेपाल, सुखी नेपालीको परिकल्पना साकार पार्न थप प्रयासहरू हुने आशा व्यक्त गर्नुभएको छ।

विगतका उपलब्धिहरूको स्मरण
उहाँले विगतका राष्ट्रिय उपलब्धिहरूको स्मरण गर्दै त्यसलाई टेकेर अघि बढ्नुपर्नेमा जोड दिनुभएको छ।