सुनको मुल्य अहिलेसम्मकै उच्च, एकैदिनमा तोलामा १ हजार ८ सय रुपैयाँले बढेयो

काठमाण्डौ । सुनको मुल्यमा आज पनि कीर्तिमान कायम भएको छ । सुनको मुल्य आज अहिलेसम्मकै उच्च तोलाको १ लाख ७९ हजार ७ सय रुपैयाँ पुगेको नेपाल सुनचाँदी व्यवसायी महासङ्घले जनाएको छ ।

सुनको मुल्य आज तोलामा १ हजार ८ सय रुपैयाँले बढेको हो । हिजो पनि सुनको मुल्यले कीर्तिमान बनाएर तोलाको १ लाख ७७ हजार ९ सय रुपैयाँ कायम भएको थियो ।

त्यस्तै आज चाँदीको मुल्यमा भने घटबढ भएको छैन । आज चाँदीको मुल्य हिजोजस्तै तोलाको दुई हजार ३५ रुपैयाँमा कारोबार भइरहेको महासङ्घले जनाएको छ ।