प्रधानमन्त्री ओलीको थाइल्याण्ड भ्रमण आजदेखि, बिमस्टेक शिखर सम्मेलनमा २२ गते सम्बोधन गर्ने
काठमाण्डौ । प्रधानमन्त्री केपी शर्मा ओली मित्रराष्ट्र थाइल्याण्डको औपचारिक भ्रमण र बहुक्षेत्रीय प्राविधिक तथा आर्थिक सहयोगका लागि बङ्गालको खाडीको प्रयास (बिमस्टेक) को छैटौं शिखर सम्मेलनमा भाग लिन आज बैंककतर्फ जाँदै हुनुहुन्छ ।
थाइल्याण्डका प्रधानमन्त्री फेथोङथान सिनावात (पैटोङ्टार्न शिनावात्रा) को मैत्रीपूर्ण निमन्त्रणामा नेपालका प्रधानमन्त्रीबाट इतिहासमै पहिलो पटक थाइल्याण्डको औपचारिक भ्रमण हुन लागेको हो ।
प्रधानमन्त्री ओली नेतृत्वको भ्रमण टोली दिउँसो साढे १ बजे थाइ एअरलाइन्सबाट बैंककतर्फ प्रस्थान गर्ने कार्यक्रम छ ।
प्रधानमन्त्री ओलीले भ्रमणका सम्बन्धमा सङ्घीय संसद्का दुवै सदनलाई औपचारिक जानकारीसमेत गराइसक्नुभएको छ ।
भ्रमणका क्रममा प्रधानमन्त्रीस्तरमा द्विपक्षीय वार्ता भई पर्यटन र संस्कृतिका सन्दर्भमा दुई र गैरसरकारी क्षेत्रबीच छ वटा समझदारीपत्रमा हस्ताक्षर हुने कार्यक्रम छ ।
थाइल्याण्डमा रहँदा प्रधानमन्त्री ओलीले पर्सि बिहीवार बिहान त्यहाका प्रतिष्ठित व्यवसायीहरूसँग भेटघाट र छलफल गर्नुहुनेछ भने त्यही दिन दिउँसो एशियन इन्स्टिच्युट अफ टेक्नोलोजीमा आयोजित कार्यक्रमलाई सम्बोधन गर्नुहुनेछ ।
प्रधानमन्त्री ओली २२ गते बिमेस्टक शिखर सम्मेलनमा सहभागी तथा सम्बोधन हुने कार्यक्रम छ ।
Recent News
-
April 3, 2025वायु प्रदूषण रोक्न हप्तामा २ दिन बिदा दिन विज्ञको सुझाव
-
April 3, 2025सर्वोच्च अदालतले कुलमान घिसिङको रिटमा अन्तरिम आदेश दिएन
