महिला एशियन कप छनोटको ‘ड्र’ सार्वजनिक: नेपाल र उज्वेकिस्तान एउटै समूहमा
काठमाण्डौ । एएफसी महिला एशियन कप २०२६ को छनोट चरणको ‘ड्र’ सार्वजनिक भएको छ ।
महिला एशियन कप छनोटमा नेपाल समूह ‘एफ’ मा परेको छ । यो समूहमा नेपालसँगै उज्वेकिस्तान, लाओस र श्रीलङ्का छन् । यो समूहको खेल आउँदो जुनमा उज्वेकिस्तानमा हुनेछ ।
फिफा वरीयतामा उज्वेकिस्तान नेपालभन्दा निकै अघि छ । फिफा वरीयतामा उज्वेकिस्तान ५०औं, नेपाल ९९औं, लाओस १०७औं र श्रीलंका १५८औं स्थानमा छन् ।
महिला एशियन कप छनोटमा ३४ वटा टोलीलाई ८ वटा समूहमा विभाजन गरिएको छ । हरेक समूहका विजेताले आउँदो वर्षको मार्चमा अस्ट्रेलियामा हुने एशियन कप खेल्नेछन् ।
एशियन कपमा आयोजक अस्ट्रेलियासँगै चीन, दक्षिण कोरिया र जापान छनोट भइसकेका छन् । प्रतियोगितामा १२ वटा टोली सहभागी हुनेछ ।
Recent News
-
April 1, 2025एमाले कार्यवाहक अध्यक्षको जिम्मेवारीमा ईश्वर पोखरेल
