प्रधानमन्त्री रोजगार कार्यक्रमः नमोबुद्धमा तालिम
काभ्रेपलाञ्चोक । प्रधानमन्त्री रोजगार कार्यक्रमअन्तर्गत नमोबुद्ध नगरपालिकामा ‘श्रमको सम्मान-राष्ट्रको अभियान’ कार्यक्रम सञ्चालन भएको छ। अभियानअन्तर्गत पहिलो चरणमा नगरका ४० जना युवायुवतीलाई समेटेर ५० दिने प्लम्बिङ र डकर्मी तालिमको व्यवस्था भएको हो।
प्रधानमन्त्री रोजगार कार्यक्रमको युवा रोजगारीका लागि रुपान्तरण पहल आयोजनामार्फत सशर्त अनुदान शीर्षकमा विनियोजित कार्यस्थलमा आधारित सीप विकास तालिम सञ्चालन गरिएको नमोबुद्ध नगरपालिकाका रोजगार संयोजक अमृत खनालले बताउनुभयो।
श्रम, रोजगार तथा सामाजिक सुरक्षा मन्त्रालयले सञ्चालन गर्दै आएको उक्त कार्यक्रममा नगरक्षेत्रमा बसोबास गर्ने १८ देखि ५९ वर्ष उमेर समूह, स्थानीय जनप्रतिनिधि, नागरिक समाज, वडा समिति, स्थानीय निर्देशक समिति तथा अन्य सरोकारवालाको सहभागितामा उक्त नगरका ११ वटै वडामा अभिमुखीकरण आयोजना गरिएको थियो । त्यसअघि नगरभित्रका विभिन्न वडामा साझेदारीमा वडागत योजनामार्फत ६५ बेरोजगारलाई एक सय दिनको रोजगारी दिइएको थियो।
Recent News
-
March 25, 2025खड्कागाउँमा भएको हत्या प्रकरणमा संलग्न १६ जना पक्राउ
-
March 25, 2025सरकारविरुद्धका प्रदर्शनहरूमा रास्वपाको सहभागी हुने घोषणा
-
March 25, 2025प्रधानमन्त्री ओलीलाई कांग्रेसको पूर्ण समर्थन छ: सभापति देउवा
-
March 25, 2025भारतले रोक्यो नेपाली प्लाइउड, पूर्वी नाकाबाट निर्यात ठप्प
-
March 25, 2025नेपाली युवा टाेलीले दिल्लीलाई ५ विकेटले हरायाे
