राराको होटेलमा आगलागी हुँदा ४ वटा भवन जलेर नष्ट
मुगु । मुगुको रारा तालको किनारमा रहेको एक होटेलमा आगलागी हुँदा चार वटा भवन जलेर नष्ट भएको छ ।
आगोले काठै काठको संरचनाले बनेका भवनमा क्षति पुर्याएको छ । नेपाली सेना, कर्मचारी, नेपाल प्रहरी र सशस्त्र प्रहरी बलले आज बिहान आगो निभाएका छन् ।
आगलागीको जानकारी प्राप्त हुनासाथ जिल्ला सदरमुकाम गमगढीबाट प्रहरी नायब निरीक्षक दीपक केसीको नेतृत्वका १५ जना प्रहरी टोली रारा पुगेको थियो ।
जिल्ला प्रहरी कार्यालयले दिएको जानकारीअनुसार होटेलको भान्साबाट सुरू भएको आगोले त्यहाँ रहेका ग्याँसको सिलिण्डर पड्कदा अन्य तीन भवनमा क्षति पुर्याएको हो ।
प्रहरी, सेना र सशस्त्र प्रहरीले होटलमा रहेका पाहुनालाई तत्काल उद्धार गरी नजिकै रहेका होटल,सेनाको ब्यारेक, निकुञ्ज कार्यालयमा सारिएको थियो । घटनाको पूर्ण विवरण आउन बाँकी छ ।
Recent News
-
February 27, 2025युरोपियन युनियनबाट आउने सामानमा २५ प्रतिशत कर लगाउने ट्रम्पको चेतावनी
-
February 27, 2025महाकुम्भ मेला समापन, ६६ करोड जनाभन्दा धेरैले स्नान गरे
-
February 27, 2025जापानमा डढेलो वस्तीमा प्रवेश गर्दा ८० भन्दा बढी भवनमा क्षति
-
February 27, 2025राष्ट्रपतिद्वारा ग्याल्पो लोसारको शुभारम्भ
-
February 27, 2025सुनको मुल्य २ सय रुपैयाँले घट्यो
