महाशिवरात्रिका दिन पशुपति क्षेत्रबाट ७५ जना पक्राउ
काठमाण्डाै । महाशिवरात्रिको दिन आज पशुपतिनाथ मन्दिर परिसरबाट प्रहरीले ७५ जनालाई पक्राउ गरेको छ ।
पशुपतिनाथ क्षेत्रमा होहल्ला तथा अवाञ्छित गतिविधि गरेको आरोपमा ७५ जनालाई पक्राउ गरिएको जिल्ला प्रहरी परिसर काठमाण्डाैका प्रवक्ता एवम् प्रहरी उपरीक्षक अपिलराज बोहराले जानकारी दिनुभयो ।
पक्राउ परेकामध्ये केहीलाई प्रहरी वृत्त गौशाला र केहीलाई जिल्ला प्रहरी परिसर काठमाण्डाैमा राखिएको प्रहरीले जनाएको छ । आज महाशिवरात्रिका दिन पशुपतिनाथ मन्दिर क्षेत्रमा प्रहरी उपरीक्षकको कमान्डमा चार हजार दुई सय जना प्रहरी परिचालन गरिएको जिल्ला प्रहरी परिसर काठमाण्डाैले जनाएको छ ।
पशुपतिनाथको दर्शनका लागि आज बिहानैदेखि भक्तजनको भीड लागेको छ । भक्तजनको सुविधाका लागि पशुपति क्षेत्र विकास कोषले बिहान २ बजेदेखि पशुतिनाथका चार वटै ढोका खोलिएको र कम्तीमा १० मिनेटमा भक्तजनलाई दर्शन गर्न सक्ने व्यवस्था मिलाइएको कोषका प्रवक्ता रेवतीरमण अधिकारीले जानकारी दिनुभयो ।
Recent News
-
February 26, 2025सुनसरीमा माछा मार्ने क्रममा करेन्ट लागेर १ जनाको मुत्यु
-
February 26, 2025३ अर्बको नागरिक बचतपत्र र ५० करोडको वैदेशिक रोजगार बचतपत्र निष्कासन
-
February 26, 2025अमेरिकालाई खनिज दिन युक्रेन सहमत
-
February 26, 2025महाशिवरात्रिका दिन पशुपति क्षेत्रबाट ७५ जना पक्राउ
-
February 26, 2025प्रधानमन्त्री र केपी ओली कप फुटबल च्याम्पियनसिपका खेलाडीबीच भेट
