रोकिएको विदेशी सहायता दुई दिनभित्र सुरू गर्न अमेरिकी प्रशासनलाई अदालतको आदेश
एजेन्सी । अमेरिकाको एक अदालतले राष्ट्रपति डोनाल्ड ट्रम्प नेतृत्वको प्रशासनलाई रोकिएको विदेशी सहायता सुरू गर्न दुई दिनको समयसीमा दिएको छ ।
अदालतले ट्रम्प प्रशासनलाई अनुदान, ऋण र अन्य वित्तीय सहायता रोक्दै सङ्घीय कोषमा व्यापक कटौती गर्न लगाउने आदेशको कार्यान्वयन गर्न रोक लगाउने आफ्नो आदेशमा विस्तार गरेको हो ।
सुनुवाइका क्रममा अमेरिकी जिल्ला न्यायाधीश अमिर एच। अलीले दुई हप्ता अगाडि नै आदेश दिइएको भए पनि प्रशासनले त्यसलाई पालना नगरेको आरोप लगाउनुभएको समाचार संस्था रोयटर्सले जनाएको छ ।
राष्ट्रपति ट्रम्पले गएको जनवरी २० तारिखमा शपथ लिएपछि कार्यकारी आदेश जारी गर्दै इजरायल, इजिप्ट र खाद्य सहायता कार्यक्रमबाहेक सबै विदेशी सहायता रोकेको घोषणा गर्नुभएको थियो ।
यसले गरिब देशहरूलाई दिइने गरेको स्वास्थ्य सहायतासमेत रोकिएको थियो । साथै अमेरिकी वित्तीय स्रोतका कार्यक्रमअन्तर्गत शिक्षा, पूर्वाधार निर्माणलगायतका कैयौं परियोजना पनि प्रभावित भएका छन् ।
Recent News
-
February 26, 2025नेपाललाई आवश्यक सहयोग गर्न स्पेनसँग परराष्ट्रमन्त्रीको आग्रह
-
February 26, 2025समसामयिक राजनीतिकबारे छलफल गर्न एमालेले बोलायो सचिवालय बैठक
-
February 26, 2025आज सुनको मुल्य ८ सय रुपैयाँले घट्यो
-
February 26, 2025टुँडिखेलमा मनाइयो २६२ औँ सेना दिवस (फोटो फिचर)
