उत्तरी गोरखाको नुब्री भ्यालीमा हिमपात
गोरखा । उत्तरी गोरखामा पुनः हिमपात भएको छ । यस पटकको हिउँदमा अहिलेसम्मकै धेरै हिमपात भइरहेको स्थानीयवासी निमा लामाले जानकारी दिनुभयो ।
उहाँका अनुसार लामो सुक्खापछि गएरातिदेखि दोस्रो पटक हिउँ परेको हो । दुई दिन अगाडि सामान्य हिउँ परेको भए पनि अहिले परेको हिउँ यो यामकै सबैभन्दा ठूलो हिमपात भएको उहाँको भनाइ छ ।
नुब्री भ्याली भनेर चिनिने उत्तरी गोरखाको सबैभन्दा उत्तरतर्फको गाउँ साम्दोदेखि तलसम्म रहेको सामागाउँ र स्यालासम्म हिउँ परेको लामाको भनाइ छ ।
मध्यराति १२ बजेदेखि सुरू भएको हिमपात लगातार परिरहेको छ । साम्दोमा जमिनबाट झन्डै एक फिटभन्दा माथिसम्म हिउँ जमेको छ । तल स्याँलासम्म हिउँ परेको छ ।
धेरै हिमपातका कारण नुब्री भ्याली, सामागाउँ र स्याला क्षेत्रका स्थानीयवासीको जनजीवन प्रभावित भएको छ । टेलिफोन र इन्टरनेट सेवामासमेत समस्या भइरहेको छ । तर लामोसमयपछिको हिमपातका कारण अन्नबाली उत्पादन राम्रो हुने भएकाले स्थानीयवासी खुशी भएका छन् । रासस
Recent News
-
February 23, 2025इन्टरनेसनल वुमेन्स च्याम्पियनसिप : २–२ को बराबरीमा नेपाल र म्यानमार
-
February 23, 2025एपिएफ केपी ओली कपको क्वार्टरफाइनलमा
-
February 23, 2025केपी ओली कप च्याम्पियनसिपको शुभारम्भ
-
February 23, 2025प्रतिनिधिसभाः समसामयिक विषयमा सरकारको ध्यानाकर्षण
