काठमाण्डौका विभिन्न ठाउँमा आज ४ देखि ७ घण्टासम्म बिजुली नआउने
काठमाण्डौ – आज काठमाण्डौका विभिन्न ठाउँमा बिजुली नआउने भएको छ । नेपाल विद्युत प्राधिकरणका अनुसार वितरण प्रणाली भूमिगत गर्ने प्रयोजनका लागि आज महाराजगञ्ज वितरण केन्द्रको गोङ्गबु फिडर अन्तर्गत पर्ने ठाउँहरुमा बिजुली काटिने छ ।
प्राधिकरणले सार्वजनिक गरेको सूचनाअनुसार वसुन्धरा, गोङ्गबु टाउन प्लानिङ, सामाखुशी, रानीबारी क्षेत्रमा बिहान ११ बजेदेखि दिउँसो तीन बजेसम्म ४ घण्टा बिजुली बन्द हुनेछ ।
त्यस्तै महाराजगञ्ज वितरण केन्द्रकै हस्पिटल फिडरअन्तर्गत पर्ने शिक्षण अस्पताल, राष्ट्रपति कार्यालय, प्रहरी तालिम केन्द्र, निर्मल निवासलगायतका ठाउँमा उच्च क्षमताको प्रसारण लाइन र पोल स्थानान्तरण गर्ने कार्यका लागि बिहान १० बजेदेखि बेलुका ५ बजेसम्म ७ घण्टा बिजुली अवरुद्ध हुने सूचनामा उल्लेख छ । तोकिएको कार्य निर्धारित समय अघि नै सम्पन्न भएमा लगत्तै बिजुली आउने प्राधिकरणले जनाएको छ ।
Recent News
-
February 24, 2025सुनको मूल्य आज ५ सय रुपैयाँले बढ्यो
-
February 24, 2025प्युठान दम्पती हत्या प्रकरणमा आफ्नै भतिज प्रकाउ
-
February 24, 2025लाइसेन्सको परीक्षा दिन गएका नक्कली परीक्षार्थी पक्राउ
-
February 24, 2025‘कोशी एक्सिलेन्स अवार्ड’ साहित्यकार घिमिरेलाई अर्पण
-
February 24, 2025यूएईमा रहेका नेपाली श्रमिकलाई सचेतना अभियान सञ्चालन
