तराईका केही ठाउँमा हुस्सु र कुहिरो, सुदूरपश्चिम र कर्णाली प्रदेशमा आंशिक बदली
काठमाण्डौ । आज तराईका केही ठाउँमा हुस्सु र कुहिरो लागेको छ । सुदूरपश्चिम र कर्णाली प्रदेशमा आंशिक बदली छ ।
देशका अरु ठाउँमा आज मौसम सफा रहेको जल तथा मौसम पूर्वानुमान महाशाखाले जनाएको छ । अहिले पश्चिमी वायुको सामान्य प्रभाव छ ।
महाशाखाका अनुसार आज दिउँसो कोशी, कर्णाली र सुदूरपश्चिम प्रदेशका पहाडी भागमा आंशिक बदली रही बाँकी भागमा मौसम सफा नै रहने छ ।
त्यसैगरी, आज राति गण्डकी, लुम्बिनी, कर्णाली र सुदूरपश्चिम प्रदेशलगायत देशका पहाडी क्षेत्रमा आंशिक बदलीको सम्भावना छ ।
आज बिहान पौने ६ बजे काठमाण्डौ उपत्यकामा न्यूनतम तापक्रम ५ दशमलव ६ डिग्री सेल्सियस मापन भएको छ ।
दिउँसो काठमाण्डौ उपत्यकामा अधिकतम तापक्रम २३ देखि २५ डिग्री सेल्सियससम्म पुग्ने अनुमान छ ।
Recent News
-
February 7, 2025प्रतिनिधि सभा बैठक बस्दै, यस्तो छ कार्यसूची
-
February 7, 2025इंग्ल्यान्डसँगको पहिलो एक दिवसीय क्रिकेटमा भारत ४ विकेटले विजयी
-
February 7, 2025विश्व स्वास्थ्य सङ्गठनबाट बाहिरिने अर्जेन्टिनाको घोषणा
