टाइगर कप भलिबल: महिलातर्फ एपीएफ पराजित, उपाधि आयोजक टोलीलाई
काठमाण्डौ । सशस्त्र प्रहरी बलको एपीएफ क्लबलाई हराउँदै आयोजक टाइगर ग्रुप अफ पोखराले टाइगर कप राष्ट्रिय तथा अन्तर्राष्ट्रिय भलिबल क्लब च्याम्पियनशिपको महिलातर्फ उपाधि जितेको छ ।
पोखरा रङ्गशालाको भलिबल कोर्टमा आज भएको फाइनलमा टाइगर ग्रुपले एपीएफलाई ३–२ को सेटमा हरायो । टाइगर ग्रुपले दोस्रो सेट २९–२७, चौथो सेट २५–१६ र पाँचौं सेट १५–१३ ले जित्यो । एपीएफले पहिलो सेट २५–१७ र तेस्रो सेट २५–२१ ले जित्यो ।
टाइगर ग्रुप अफ पोखराले उपाधिसँगै पाँच लाख ८५ हजार पाँच सय ५५ रुपैयाँ र उपविजेता बनेको एपीएफले दुई लाख ८५ हजार पाँच सय ५५ प्राप्त गरेको छ ।
यस्तै टाइगर कप भलिबलको पुरुषतर्फ अहिले केहीबेरमा नेपाल पुलिस क्लब र गण्डकी प्रदेश खेल्दैछन् ।
Recent News
-
February 2, 2025इरानद्वारा नयाँ ब्यालेस्टिक क्षेप्यास्त्र प्रदर्शन
-
February 2, 2025शेयर बजार ६९ अङ्कले बढेर २७ सय विन्दुमा पुग्यो
-
February 2, 2025नेपाल नेदरल्यान्ड्ससँग फेरि पराजित
