शेयर बजार आज पनि घट्यो, ८ अर्ब ९२ करोड रुपैयाँको कारोबार
काठमाण्डौ । शेयर बजार आज पनि घटेको छ । शेयर बजार परिसूचक नेप्से आज १०.६६ अङ्कले घटेर २ हजार ६३३.२७ विन्दुमा झरेको छ ।
आज विकास बैंक, फाइनान्स, जलविद्युत्, उत्पादन र माइक्रोफाइनान्स बाहेक सबै समूहको शेयर घटेको छ । आज फाइनान्स समूहको शेयर झन्डै साढे ३ प्रतिशतले उकालो लागेको छ ।
आज सप्तकोशी विकास बैंकको शेयर झन्डै साढे ८ प्रतिशतले घटेको छ । समग्रमा बजार घटेको दिन न्यादी हाइड्रोपावर कम्पनीको शेयर १० प्रतिशतले बढेको छ ।
आज नेप्सेसँगै कारोबार रकम पनि घटेको छ । हिजो ९ अर्ब १२ करोडको शेयर कारोबार भएकोमा आज ३ सय १२ वटा कम्पनीका १ करोड ७२ लाख कित्ता शेयर ८ अर्ब ९२ करोड रुपैयाँमा किनबेच भएको छ ।
Recent News
-
January 28, 2025सूर्यविनायक नगरपालिकाले आफ्नै भवनबाट सेवा सुरू गर्यो
