अमेरिकाले ९० दिनका लागि सबै वैदेशिक सहायता रोक्यो
अमेरिकाले सबै वैदेशिक अनुदान तत्कालका लागि रोकेको छ । अमेरिकी विदेशमन्त्री मार्को रुबियोले अहिले कायम वैदेशिक सहायता र नयाँ अनुदान वितरण कार्य स्थगन गर्न मातहत निकायलाई निर्देशन दिनुभएको बीबीसीले जनाएको छ ।
राष्ट्रपति डोनाल्ड ट्रम्पले गएको सोमवार हस्ताक्षर गर्नुभएको वैदेशिक अनुदान पुनर्मूल्याङ्कनसम्बन्धी कार्यकारी आदेशका आधारमा ट्रम्प प्रशासनले ९० दिनका लागि वैदेशिक सहायता रोकेको बीबीसीले जनाएको छ ।
अमेरिकी विदेश मन्त्रालयले मातहतका निकायमा अनुदान रोक्न जारी गरेको निर्देशनमा प्रस्तावित नयाँ सहायता वा हाल कायम अनुदानको थप बिस्तारबारे समीक्षा तथा अनुमोदन नभएसम्म नयाँ अनुदान वा विद्यमान अनुदान विस्तारका लागि कुनै पनि नयाँ कोष नबनाउन भनिएको छ ।
आपत्कालीन खाद्य सहायताका साथै इजरायल र इजिप्टको सैन्य कोषका लागि गर्ने सहयोगमा रोक लागेको छैन । तर गाजामा मानवीय सहायता र सुडानलगायत विभिन्न देशको भोकमरीको सङ्कटमा सहायता प्रभावित हुने बीबीसीले उल्लेख गरेको छ ।
Recent News
-
January 27, 2025नेपालमा सञ्चालित सबै परियोजना स्थगित गर्न यूएसएआईडीको पत्र
-
January 27, 2025एक करोड रुपैयाँ धरौटी बुझाएर रवि लामिछाने रिहा
-
January 26, 2025कानुनले दिएको अधिकार उपयोग गर्न मन्त्री दाहालको निर्देशन
-
January 26, 2025ललितपुर महानगरपालिकामा साप्ताहिक ट्राफिक सचेतना कार्यक्रम शुभारम्भ
