लगातार ४ दिन बढेको शेयर बजार आज घट्यो
काठमाण्डौ । लगातार ४ दिन बढेको शेयर बजार आज भने घटेको छ । शेयर बजार परिसूचक नेप्से आज ११.१० अंकले घटेर २ हजार ६५४.३५ विन्दुमा झरेको छ ।
आज विकास बैंक र उत्पादन बाहेक सबै समूहको शेयर घटेको छ । आज फाइनान्स समूहको शेयर सबैभन्दा धेरै झन्डै साढे २ प्रतिशतले ओरालो लागेको छ ।
आज सुपर मादी हाइड्रोपावर र मन्दाकिनी हाइड्रोपावर कम्पनीको शेयर १० प्रतिशतले घटेको छ । समग्रमा बजार घटेको दिन सामुदायिक लघुवित्त, कर्पोरेट विकास बैंक र सिकलेस हाइड्रोपावर कम्पनीको शेयर भने १० प्रतिशतले बढेको छ ।
आज नेप्सेसँगै कारोबार रकम पनि घटेको छ । हिजो ९ अर्बभन्दा धेरैको कारोबार भएकोमा आज ३ सय १८ वटा कम्पनीका १ करोड ५१ लाख कित्ता शेयर ७ अर्ब ८५ करोड रुपैयाँमा किनबेच भएको छ ।
Recent News
-
January 23, 2025रास्वपाका सभापतिरविलाई आज पनि अदालतले परिवारको जिम्मामा छाड्यो
-
January 23, 2025अमेरिकामा रहेका मेक्सिकन आप्रवासीलाई सामूहिक निर्वासनको तयारी
-
January 23, 2025प्रधानमन्त्री कप स् आर्मीले सुदूरपश्चिमलाई हरायो
-
January 23, 2025लगातार ४ दिन बढेको शेयर बजार आज घट्यो
