सभापति कप फुटबल प्रतियोगिता आजदेखि सुरू: उद्घाटन खेलमा चर्च ब्वाइज र सङ्कटा खेल्दै
काठमाण्डौ । नेपाली कांग्रेसको भ्रातृ संस्था नेपाल लोकतान्त्रिक खेलकुद सङ्घ महाधिवेशन निर्देशन समितिको आयोजनामा आजदेखि सभापति कप फुटबल प्रतियोगिता सुरू हुँदैछ ।
प्रतियोगितामा चर्च ब्वाइज, मछिन्द्र क्लब, सङ्कटा क्लब, एनआरटी क्लब, नेपाल एपीएफ क्लब, नेपाल पुलिस क्लब, फ्रेण्ड्स क्लब र आयोजक नेपाल लोकतान्त्रिक खेलकुद सङ्घको बाग्मती युथ क्लबले खेल्नेछन् ।
आज हुने उद्घाटन खेलमा चर्च ब्वाइज र सङ्कटा क्लबले खेल्दैछन् । खेल दिउँसो तीन बजे सुरू हुनेछ । नकआउट चरणमा हुने प्रतियोगिता काठमाण्डौको त्रिपुरेश्वरमा रहेको दशरथ रङ्गशालामा आउँदो १७ गतेसम्म चल्नेछ ।
दर्शकका लागि भीआईपी प्याराफिटतर्फ तीन सय र साधारणतर्फ एक सय रुपैयाँ टिकट निर्धारण गरिएको आयोजकले जनाएको छ । प्रतियोगिताको विजेताले २६ लाख र उपविजेता टोलीले १३ लाख रुपैयाँ प्राप्त गर्नेछ ।
Recent News
-
January 23, 2025अमेरिकामा रहेका मेक्सिकन आप्रवासीलाई सामूहिक निर्वासनको तयारी
-
January 23, 2025प्रधानमन्त्री कप स् आर्मीले सुदूरपश्चिमलाई हरायो
-
January 23, 2025लगातार ४ दिन बढेको शेयर बजार आज घट्यो
