लाओसको गोल्डन ट्रयांगलबाट भागेर थाइल्यान्ड छिरेका १ नेपालीको उद्धार
काठमाण्डौ । थाइल्यान्डबाट १ नेपालीलाई उद्धार गरी स्वदेश फर्काइएको छ । उनलाई आज नेपाल फर्काइएको थाइल्यान्डको बैंककस्थित नेपाली दूतावासले जनाएको छ ।
नेपाली दूतावासका अनुसार, उनी आकर्षक रोजगारीको प्रलोभनमा परी लाओसको गोल्डन ट्रयांगल पुगेका थिए । त्यहाँ उनलाई गैरकानुनी काम गर्न बाध्य पारिएको थियो । त्यसपछि उनी त्यहाँबाट भागेर थाइल्यान्ड छिरेका थिए । थाइल्यान्ड छिरेपछि उनलाई थाई सरकारी निकायको सहयोगमा नेपाल फर्काइएको हो ।
नेपाल सरकारले तोकेका मापदण्डबमोजिम श्रम स्वीकृति लिएर मात्र वैदेशिक रोजगारीमा जान तथा कसैको प्रलोभन परी कानुनविपरीत छिटो धेरै पैसा कमाउने हेतु कम्बोडिया लाओस, म्यानमार र थाइल्यान्डलगायत कुनै पनि मुलुकमा वैदेशिक रोजगारीका लागि नआउन राजदूतावास सम्बन्धित सबैमा अनुरोध गर्नुभएको नेपाली दूतावासले विज्ञप्तिमा उल्लेख गरेको छ ।
Recent News
-
January 17, 2025सहकारी ठगी गर्ने समूहका प्रमुख जिबी राईको राहदानी रोक्का
-
January 17, 2025लाओसको गोल्डन ट्रयांगलबाट भागेर थाइल्यान्ड छिरेका १ नेपालीको उद्धार
-
January 17, 2025चीनको आर्थिक वृद्धि दर दशक यताकै सबैभन्दा सुस्त
-
January 17, 2025कुटपिटबाट मजदुरको मृत्यु
