मणिमुकुन्दलाई सोझो सेटमा हराउँदै आर्मी फाइनलमा, उपाधिका लागि पुलिससँग खेल्ने
काठमाण्डौ । मणिमुकुन्द भलिबल क्लबलाई हराउँदै त्रिभुवन आर्मी क्लब इन्डो–नेपाल रनिङ शिल्ड भलिबल च्याम्पियनशिपको फाइनलमा पुगेको हो ।
बुटवलको रामनगर खेलमैदानमा आज भएको दोस्रो सेमिफाइनलमा आर्मीले मणिमुकुन्दलाई ३-० को सोझो सेटमा हरायो । आर्मीले पहिलो सेट २८–१८, दोस्रो सेट २५–१३ र तेस्रो सेट २५–१९ ले जित्यो । हिजोका लागि तय भएको यो खेल चिसो मौसमका कारण आजका लागि सारिएको हो ।
अब आर्मीले उपाधिका लागि पहिलो सेमिफाइनलको विजेता नेपाल पुलिस क्लबसँग खेल्ने भएको छ । पुलिस भारतको गुजरात स्टेट भलिबल एसोसिएनलाई हराउँदै उपाधि नजिकै पुगेको थियो । प्रतियोगिताको फाइनल खेल भोलि हुनेछ । तेस्रो स्थानका लागि भोलि नै खेल हुनेछ ।
इन्डो–नेपाल भलिबलको विजेताले सात लाख, उपविजेताले तीन लाख ५० हजार, तेस्रो हुनेले एक लाख ७५ हजार र चौथो हुने टोलीले एक लाख रुपैयाँ पुरस्कार पाउनेछन् ।
Recent News
-
January 9, 2025सुनको मुल्य आज ८ सय रुपैयाँले बढ्यो
-
January 9, 2025रवि लामिछाने जोडिएको मुद्दामा आज सरकारी वकिलले जवाफी बहस गर्ने
-
January 9, 2025भारतको आन्ध्र प्रदेशमा भागदौड मच्चिँदा ६ जनाको ज्यान गयो
-
January 9, 2025तराईका धेरै ठाउँमा बिहानैदेखि हुस्सु र कुहिरो, यातायातमा समस्या
-
January 8, 2025आर्थिक सुधार सुझाव आयोगले बुझायो अर्थमन्त्रीलाई प्रतिवेदन
-
January 8, 2025लेखा समिति सभापति पोखरेलकी श्रीमती अञ्जला धरौटीमा रिहा