त्रिविमा स्ववियु चुनावको तयारी
काठमाण्डौ । त्रिभुवन विश्वविद्यालयले स्वतन्त्र विद्यार्थी युनियन (स्ववियु) चुनावको तयारी थालेको छ । आउँदो फागुन १५ गते हुने स्ववियु चुनावका लागि त्रिविले तयारीलाई तीव्र पारेको छ ।
विद्यार्थी कल्याण तथा खेलकुद निर्देशनालयका निर्देशक पशुपति अधिकारीले स्ववियु चुनाव गराउने प्रक्रिया अगाडि बढाएको जानकारी दिनुभयो । उहाँले विद्यार्थी कल्याण परिषद्को बैठक राखेर स्ववियु चुनावलाई तोकिएकै मितिमा सम्पन्न गर्नेबारे छलफल भएको बताउनुभयो ।
त्रिविले शैक्षिक क्यालेण्डरमा नै स्ववियु चुनावको मिति तोकेको छ । निर्देशक अधिकारीले चाँडै नै विद्यार्थी सङ्गठनसँग छलफल गरी चुनावको कामलाई अगाडि बढाउने बताउनुभयो ।
हरेक २र२ वर्षमा हुने स्ववियु चुनाव २०६५ सालदेखि नियमित हुन सकेको छैन । वि.सं.२०६५ चैत ६ गते भएको स्ववियु चुनाव एकैपटक ८ वर्षमा वि.सं.२०७३ चैत १५ गते भएको थियो । त्यसपछि २०७९ चैत ५ गते स्ववियु चुनाव भएकोमा ९ वटा आङ्गिक क्याम्पसमा चुनाव हुन सकेको थिएन ।
Recent News
-
January 20, 2025एमाले सचिवालय बैठक भोलि बस्दै
-
January 20, 2025नेपाल स्कटल्यान्डसँग १ विकेटले पराजित
-
January 20, 2025शेयर बजार सामान्य बढ्यो
-
January 20, 2025रविसहित ७ जनालाई थुनामा राख्न माग गर्दै उच्च अदालत पोखरामा निवेदन
