ललितपुरको फुलचोकी जङ्गलमा हराएका १३ जनाको उद्धार
काठमाण्डौ । फुलचोकी जङ्गलमा हराएका १३ जनाको उद्धार भएको छ । हिजो दिउँसोदेखि बाटो भुलेर जङ्गलमा हराइरहेकाको उद्धार भएको जिल्ला प्रहरी कार्यालय ललितपुरका सूचना अधिकारी प्रहरी उपरीक्षक नवरत्न पौडेलले जानकारी दिनुभयो ।
हराएका छुट्टाछुट्टै दुई समूहका १३ जना हिजो अबेर राति फोन सम्पर्कमा आएपछि उद्धार भएको उहाँले बताउनुभयो ।
ललितपुरको गोदावरी नगरपालिका–३ फुल्चोकीमा हाइकिङका लागि गएका सात जनाको एक समूह र छ जनाको अर्को समूह छोटो दूरीको बाटो भन्दै फर्कने क्रममा हराएका थिए ।
हराएका दुवै टोली सही मार्ग खोज्ने क्रममा एक आपसमा भेट भएका थिए । हराउनेमध्ये १० जना युवा र तीन युवती रहेका प्रहरीले जनाएको छ ।
Recent News
-
January 21, 2025इंग्लिस प्रिमियर लिगमा उल्भ्सलाई हराउँदै चेल्सी चौथो स्थानमा उक्लियो
-
January 21, 2025नेपाल कबड्डी लिगमा जनकपुरको लगातार दोस्रो जीत
-
January 21, 2025अमेरिकाको ४७ औं राष्ट्रपतिको रूपमा डोनाल्ड ट्रम्पद्वारा शपथ
-
January 20, 2025एमाले सचिवालय बैठक भोलि बस्दै
