बाजुरामा ५ दशमलव २ म्याग्निच्यूडको भूकम्प
काठमाण्डौ । बाजुरा केन्द्रबिन्दु भएर आज बिहान भूकम्प गएको छ । जगन्नाथ गाउँपालिका–५ गोत्री क्षेत्र आसपास केन्द्रबिन्दु भएर बिहान चार बजेर १४ मिनेटमा ५ दशमलव २ म्याग्निच्यूडको भूकम्प गएको राष्ट्रिय भूकम्प मापन केन्द्रले जनाएको छ ।
भूकम्पको धक्का बाजुरासहित सुदूरपश्चिम र कर्णालीका विभिन्न जिल्लामा महसुस गरिएको छ । भूकम्पबाट क्षति वा हताहत भएकोबारेमा अहिलेसम्म कुनै जानकारी प्राप्त हुन नसकेको जिल्ला प्रशासन कार्यालय बाजुराले जनाएको छ ।
बाजुराको जगन्नाथ गाउँपालिका–५ गोत्री क्षेत्रमा आज बिहानै गएको भूकम्पले केही घरमा भने क्षति पुगेको आशङ्का गरिएको वडाध्यक्ष गौरी सार्कीले बताउनुभयो । भौतिक क्षति के कति भयो भन्नेबारे जानकारी सङ्कलनको काम भइरहेको उहाँको भनाइ छ ।
Recent News
-
January 21, 2025प्रधानमन्त्रीबाट सगरमाथा संवाद कार्यक्रमको शुभारम्भ
-
January 21, 2025डोनाल्ड ट्रम्पलाई पूर्वराष्ट्रपति भण्डारीको शुभकामना
-
January 21, 2025परराष्ट्रमन्त्री आरजु राणा देउवाद्वारा अमेरिकी विदेशमन्त्रीलाई बधाई
-
January 21, 2025राष्ट्रपतिद्वारा माघ १८ गते संसद् अधिवेशन आह्वान
