• December 9, 2024

तिलगङ्गा नेत्र विश्वविद्यालय विधेयक सकारात्मक छः शिक्षामन्त्री भट्टराई

काठमाण्डौ । शिक्षा, विज्ञान तथा प्रविधिमन्त्री विद्या भट्टराईले तिलगङ्गा नेत्र विश्वविद्यालय विधेयक सकारात्मक रहेको बताउनुभएको छ।

राष्ट्रियसभाको विधायन व्यवस्थापन समितिमा आज ‘तिलगङ्गा नेत्र विश्वविद्यालय विधेयक २०८१’ माथि भएको सैद्धान्तिक छलफलमा उहाँले आँखा स्वास्थ्यको क्षेत्रमा उत्कृष्ट प्राज्ञिक केन्द्रका रूपमा विश्वविद्यालयको स्थापना हुनु राम्रो रहेको बताउनुभयो।

आँखा मानव शरीरको एक महत्वपूर्ण तथा संवेदनशील अङ्ग भएकोले आँखा स्वास्थ्य क्षेत्रमा अध्ययन, अध्यापन, अनुसन्धान गर्न विश्वविद्यालय निर्माण गर्न आवश्यक भएको र यो विधेयकलाई परिस्कृत गरेर अगाडि बढाउनुपर्ने उहाँले बातउनुभयो ।

बैठकमा विधेयक संशोधन प्रस्तावकर्ता सांसद पदमबहादुर परियारले विधेयक समसामयिक रहेको बताउँदै नेपालमा आँखा स्वास्थ्यमा काम गर्ने अरू पनि संस्था रहेकाले उनीहरुलाई पनि समेट्ने विषयमा छलफल गर्नुपर्ने बताउनुभयो।

संशोधन प्रस्तावकर्ता अर्का सांसद मदनकुमारी शाह ९गरिमा०ले विधागत रूपमा विश्वविद्यालय बन्नु राम्रो थालनी भएको बताउनुभयो। उहाँले भन्नुभयो, ‘दक्षताको हिसाबले पनि यो विश्वविद्यालय बन्नु राम्रो हो। यो स्वागतयोग्य निर्णय हो। तिलगङ्गाले आफैँ लेन्स उत्पादन गरेर निर्यात गर्नु पनि एकदमै राम्रो पक्ष हो।’

समितिकी सदस्य सांसद जयन्तीदेवी राईले तिलगङ्गाले आँखा स्वास्थ्यमा सबैको मन जितिसकेको बताउँदै यो विधेयकलाई नरोक्न र यसलाई छिटो बढाउनुपर्ने बताउनुभयो।