चीन भ्रमण देशका लागि उपलब्धिमूलक : प्रधानमन्त्री ओली
झापा । प्रधानमन्त्री केपी शर्मा ओलीले चीन भ्रमण देशका लागि उपलब्धिमूलक भएको बताउनुभएको छ। प्रधानमन्त्री ओलीले आफू केही समयपछि भारत भ्रमण पनि जाने जानकारी गराउनुभयो।
झापाको दमक नगरपालिका-३, दापगाछीस्थित ‘दमक व्यापारिक कम्प्लेक्स’को उद्घाटनपछि सो कुरा बताउनुभएको हो ।
मुख्य बजार क्षेत्रबाट चार किमी दुरीमा पर्ने सो १८ तले कम्प्लेक्स रु.एक अर्ब ६३ करोड ५४ लाख ४६ हजार लागतमा बनेको हो।
यसअघि प्रधानमन्त्री ओलीले झापाको मेचीनगर नगरपालिका-४, आमडाँडीस्थित मानवसेवा आश्रमको जिल्ला कार्यालयको भवन उद्घाटन र मानवसेवा स्मारकको भवन शिलान्यास गर्नुभएको थियो। कार्यक्रममा आश्रमका लागि दुई बिगाहा पाँच कठ्ठा जग्गा दिने स्थानीय रामबहादुर प्रधान र परिवारलाई सम्मान गरिएको थियो ।
भव्य जनसहभागितामा भएको उद्घाटन कार्यक्रममा प्रथम महिला राधिका शाक्य, उपप्रधानमन्त्री एवं सहरी विकासमन्त्री प्रकाशमान सिंह, कोशी प्रदेशका मुख्यमन्त्री हिक्मत कार्कीलगायत सहभागी हुनुहुन्छ।
Recent News
-
January 23, 2025यो सरकार दिन गनेर बस्दैन, काम गरेर देखाउँछः उपप्रधानमन्त्री पौडेल
-
January 23, 2025इन्टरपोलबाट रेड नोटिस जारी भएका फरार व्यक्ति ओमानबाट पक्राउ
-
January 23, 2025पेट्रोलियम पदार्थबाट ३७ अर्ब राजस्व सङ्कलन
