एक वर्षमा मानव अधिकार उल्लङ्घनसम्बन्धी एक सय २० वटा उजुरी दर्ता
काठमाण्डौ । राष्ट्रिय मानव अधिकार आयोगमा एक वर्षमा मानव अधिकार उल्लङ्घनसम्बन्धी एक सय २० वटा उजुरी दर्ता भएका छन् ।
आयोगका अध्यक्ष तपबहादुर मगरले राष्ट्रपति रामचन्द्र पौडेललाई बुझाउनुभएको वार्षिक प्रतिवेदनअनुसार आर्थिक वर्ष २०८०र८१ मा एक सय २० वटा उजुरी दर्ता भएका हुन् । एक वर्षमा नयाँ एक सय ९० र पुरानासमेत गरी तीन सय ६८ वटा उजुरीमाथि अनुसन्धान सम्पन्न भएको आयोगले निकालेको विज्ञप्तिमा उल्लेख छ ।
अनुसन्धानसम्बन्धी विषयमा एक सय ६१ वटा उजुरीगत सिफारिश र पाँचवटा नीतिगत सिफारिश गरेको प्रतिवेदनमा उल्लेख छ । दुई सय ७६ उजुरी तामेलीमा राखेको र १५ वटा उजुरी खारेज गरेको आयोगले जनाएको छ ।
आयोगले एक वर्षमा चार जनालाई दोषी किटान गरेको छ । यस्तै नौ जनालाई विभागीय कारबाहीको सिफारिश र ९० जना पीडित तथा पीडितका परिवारलाई क्षतिपूर्ति उपलब्ध गराउन नेपाल सरकारलाई सिफारिश गरेको आयोगले जनाएको छ ।
Recent News
-
December 5, 2024चीन भ्रमणमा रहेका प्रधानमन्त्री ओली आज स्वदेश फर्कँदै
-
December 4, 2024एक वर्षमा मानव अधिकार उल्लङ्घनसम्बन्धी एक सय २० वटा उजुरी दर्ता
-
December 4, 2024कानुन मन्त्रालय र सञ्चार गृहलाई सञ्चारिका समूहले बुझायो साझा मागपत्र
-
December 4, 2024मकवानपुर दुर्घटना हुँदा २२ जना घाइते
-
December 4, 2024रवि लामिछाने र छविसहित १४ जनाविरुद्ध पर्सामा पनि पक्राउ पुर्जी जारी
