काठमाण्डौ-१६ की अध्यक्ष श्रेष्ठलाई महानगरका मेयर बालेन्द्र शाहद्धारा पद तथा गोपनीयताको शपथ ग्रहण
काठमाण्डौ । काठमाण्डौ महानगरपालिका–१६ को वडाध्यक्षमा निर्वाचित रोजिना श्रेष्ठले शपथ ग्रहण गर्नुभएको छ । श्रेष्ठलाई आज महानगरपालिकाका मेयर बालेन्द्र शाहले पद तथा गोपनीयताको शपथ गराउनुभएको छ ।
यही मङ्सिर १६ गते सम्पन्न पालिका उपचुनावमा काठमाण्डौ महानगरपालिका-१६ बाट निर्वाचित श्रेष्ठलाई आज महानगरपालिकाको कार्यकक्षमा आयोजित कार्यक्रममा शाहले शपथ गराउनुभएको हो ।
काठमाण्डौको ठमेल, नयाँबजार, बालाजु क्षेत्र समेटिएको १६ नम्बर वडाको २१ हजार २५ मतदातामध्ये १० हजार ३ सय ७६ मत सदर हुँदा राष्ट्रिय स्वतन्त्र पार्टीको तर्फबाट उम्मेदवार बन्नुभएकी क्षेष्ठ २ हजार ९ सय २ मत प्राप्त गरी अध्यक्ष पदमा निर्वाचित हुनुभएको हो ।
शपथ ग्रहण कार्यक्रममा उपमेयर सुनिता डङ्गोल, प्रवक्ता नवीन मानन्धर, प्रमुख प्रशासकीय अधिकृत सरोग गुरागाईँसहित अधिकारी उपस्थिति हुनुहुन्थ्यो । शपथपछि वडाध्यक्ष श्रेष्ठले आज नै पदबहाली गर्नुभयो ।
Recent News
-
December 4, 2024७ सय केजी गाजासहित सरकारी गाडी नियन्त्रणमा
-
December 4, 2024नेपाल र चीनबिच बिआरआई फ्रेमवर्कमा हस्ताक्षर
-
December 4, 2024नेपाल र चीन प्राचीन ज्ञानका भूमि : प्रधानमन्त्री ओली
-
December 4, 2024गाडिएको अवस्थामा १ युवतीको शव फेला
-
December 4, 2024अफ्रिकी देश नामिबियामा पहिलो महिला राष्ट्रपति निर्वाचित
-
December 4, 2024सुनको मुल्य आज १ सय रुपैयाँले बढ्यो