• December 1, 2024

बङ्गलादेशमा पूर्व प्रधानमन्त्रीमाथि ग्रेनेड आक्रमणको अभियोग खारेज

ढाका । पूर्वप्रधानमन्त्री शेख हसिनाविरुद्ध सन् २००४ को घातक ग्रेनेड आक्रमणको मास्टरमाइन्डको आरोपमा एक शीर्ष बङ्गलादेशी राजनीतिज्ञलाई दोषमुक्त गरिएको छ । यो उहाँको लन्डन निर्वासनबाट फर्कने अपेक्षित बाटोमा अर्को कदम हो ।

पूर्व प्रधानमन्त्री खालिदाजिया, उहाँका छोरा र बङ्गलादेश नेसनलिस्ट पार्टी (बिएनपी) का वास्तविक नेता तारिक रहमानलाई हसिनाको राजनीतिक सभामा भएको आक्रमणका लागि दोषी ठहर गरिएको थियो ।

तर ढाकाको उच्च अदालतले ट्रायल अदालतले प्रक्रिया ठीकसँग पालना नगरेका कारण उहाँ र अन्य ४८ जना विरुद्धको दोषी फैसला अवैध भएको फैसला गरेको छ।

बिएनपीले लगातार आक्रमणमा संलग्नता अस्वीकार गर्दै आएको छ र हसिनाको सरकारले आफ्ना विरोधीहरूलाई सताउन मुद्दामा राजनीतिक हस्तक्षेप गरेको आरोप लगाएको छ ।

सन् २००४ मा हसिनाको अवामी लिग पार्टीको र्यालीलाई लक्षित गरी ग्रेनेड आक्रमण भएको थियो । अवामी लिग त्यस समयमा विपक्षी दल थियो र हसिनाले आफ्नो भाषण समाप्त गरिरहेकै बेला विस्फोट भएको थियो ।

तारिककी आमा, हासिनाको लामो समयदेखिको प्रतिद्वन्द्वी तथा तत्कालीन प्रधानमन्त्री जियाले आक्रमणको मूल अनुसन्धानमा हस्तक्षेप गरेको आरोप लगाउँदै सरकार चलाउनु भएको थियो । आक्रमणमा दुई दर्जनभन्दा बढी मानिसको मृत्यु भएको थियो ।

अर्का प्रतिरक्षा वकिल शिशिर मोनिरले हसिनाको नेतृत्वमा पछि अनुसन्धानले संदिग्धहरूलाई तारिक र अन्य बिएनपी नेताहरूलाई आक्रमणमा दोषीको रूपमा नाम दिन बाध्य पारेको बताउनुभयो ।

विद्यार्थी नेतृत्वको क्रान्तिले हसिनाको १५ वर्षको स्वेच्छाचारी कार्यकाल अन्त्य गरेपछि अगस्टमा उहाँ देशबाट भाग्नुभएको थियो ।

आफ्नी आमाको बिरामी स्वास्थ्यका कारण तारिकले लन्डनमा १५ वर्षभन्दा बढी निर्वासनमा बसेपछि अन्ततः बङ्गलादेश फर्कने र आमाको स्थानमा बिएनपीको नेतृत्व गर्ने व्यापक अपेक्षा गरिएको छ ।

सन् २०१८ मा दोषी ठहरिने ग्रेनेड काण्डका प्रमुख साक्षी रफिकुल इस्लामले आइतबारको फैसलाको बाबजुद मारिएका र घाइतेहरूका परिवारलाई अझै पनि न्यायको आवश्यकता रहेको बताउनुभयो ।

रासस /एएफपी