प्रधानमन्त्रीको चीन भ्रमणबारे कांग्रेस र एमाले नेताहरुबीच बालुवाटारमा छलफल
काठमाडौं । सत्तारुढ दल नेपाली कांग्रेस र नेकपा एमालेका शीर्ष नेताहरुबीच छलफल भएको छ ।
प्रधानमन्त्री ओलीको चीन भ्रमणको विषयलाई केन्द्रित बनाएर कांग्रेस एमालेका शीर्ष नेताहरुबीच बालुवाटारमा छलफल भएको हो । बीआरआईको विषयमा सत्तारुढ दलले समान धारणा बनाएका छन्। त्यसका लागि कार्यदल नै बनाइएको थियो ।
कार्यदलमा कांग्रेसबाट महामन्त्री गगन थापा, एमालेबाट प्रधानमन्त्रीका मुख्य सल्लाहकार विष्णु रिमाल र आर्थिक तथा विकास मामिला सल्लाहकार युवराज खतिवडा सहभागी थिए । कार्यदलले बीआरआई ऋण नभइ अनुदानमा पहल गर्ने समझदारी गरेको छ ।
बालुवाटारमा भएको बैठकमा प्रधानमन्त्री ओली र कांग्रेस सभापति शेरबहादुर देउवालाई कार्यदलको तर्फबाट बीआरआईबारे भएको समझदारीको बारेमा जानकारी गराइएको थियो ।
बैठकमा प्रधानमन्त्री ओली, कांग्रेस सभापति देउवा, महामन्त्री गगन थापा, गृहमन्त्री रमेश लेखक, एमालेका उपमहासचिव समेत रहेका प्रधानमन्त्रीका मुख्य सल्लाहकार रिमाल सहभागी थिए ।
Recent News
-
January 24, 2025मदन भण्डारी कलेजमा हल्ट प्राइज अभिमुखीकरण सत्र सम्पन्न
-
January 24, 2025विद्यालय शिक्षा ऐन चाँडै आउँछ स् शिक्षामन्त्री भट्टराई
-
January 24, 2025सरकार परिवर्तन हुन्छ भन्ने हल्ला अर्थहीन : प्रधानमन्त्री
-
January 24, 2025नेपालले मलेसियालाई ७ विकेटले हरायो
