रुकुम पूर्वकाे पुथा उत्तरगङ्गा–२ को अध्यक्षमा माओवादीका उम्मेदवार निर्विरोध
काठमाण्डौ । रुकुम पूर्वको पुथा उत्तरगङ्गा गाउँपालिका वडा नम्बर २ को अध्यक्षमा नेकपा (माओवादी केन्द्र) का उम्मेदवार जगत घर्ती निर्विरोध निर्वाचित हुनुभएको छ ।
एमाले–कांग्रेसको सत्तारूढ गठबन्धनबाट उम्मेदवार बनेका एमाले उम्मेदवार जीवन रोका र स्वतन्त्र उम्मेदवारले नाम फिर्ता लिएपछि माओवादी केन्द्रका उम्मेदवार घर्ती निर्विरोध निर्वाचित हुनुभएको निर्वाचन अधिकृतको कार्यालयले जनाएको छ ।
पुथा उत्तरगङ्गा गाउँपालिकाकाे उपाध्यक्षमा एमाले जिल्ला उपसचिव केसकुमारी तुलाचन कांग्रेसको चुनाव चिह्न लिएर उम्मेदवार बन्नुभएको छ । उपाध्यक्षमा माओवादी केन्द्रका तर्फबाट नरपुरा बुढा उम्मेदवार हुनुहुन्छ ।
यसैबीच जिल्ला समन्वय समिति कैलालीको प्रमुखमा नेपाली कांग्रेसकी उम्मेदवार टीकाकुमारी चौधरी (भूल) निर्विरोध निर्वाचित हुनुभएको छ । नागरिक उन्मुक्ति पार्टीबाट उम्मेदवारी दर्ता गराएकी रुपमती डगौरा थारुले उम्मेदवारी फिर्ता लिएसँगै अर्की उम्मेदवार चौधरी निर्विरोध निर्वाचित हुनुभएको हो ।
Recent News
-
November 21, 2024नेपाल-क्यानडा संसदीय आदानप्रदानमा जोड
-
November 21, 2024राष्ट्रपतिद्वारा ढुङ्गानाका परिवारप्रति समवेदना
-
November 21, 2024यस वर्ष चितवनमा धानको उत्पादन घट्यो
-
November 21, 2024सुनको मूल्य १ हजार रुपैयाँले बढेयो
-
November 21, 2024सिंहदरबारमा मन्त्रिपरिषद बैठक आज बस्दै
-
November 21, 2024काठमाण्डौसहित पहाडी भेगमा आंशिक बदली, अरु ठाउँको मौसम सफा