आईसीसी १९ वर्ष मूनीको महिला टी–२० विश्वकप एशिया छनोटमा नेपालले आज कुवेतसँग खेल्दै
काठमाण्डौ।आईसीसी १९ वर्ष मूनीको महिला टी-२० विश्वकप एशिया छनोटमा नेपालले आज कुवेतसँग खेल्दैछ । यूएईको सेभेन्स स्टेडियममा खेल नेपाली समयअनुसार आज बिहान सवा ११ बजे सुरु हुनेछ ।
यसअघि अस्ति आइतबार भएको खेलमा नेपालले थाइल्यान्डलाई १ सय ६ रनले पराजित गरेको थियो भने पहिलो खेलमा ६७ रनले हराएको थियो । अर्को खेलमा कुवेतलाई १ सय आठ रनले हराएको थियो ।
नेपालले अन्तिम खेल भोलि बुधबार यूएईसँग खेल्नेछ । यसअघि नेपाल युएईसँग १३ रनले पराजित भएको थियो । प्रतियोगितामा नेपालसहित घरेलु टोली यूएई, थाइल्यान्ड र कुवेत सहभागी छन् ।
सहभागी ४ टोलीमध्ये शीर्ष स्थानमा आउने टोली आईसीसी १९ वर्ष मूनीको महिला टी-२० विश्वकपका लागि छनोट हुनेछ ।
Recent News
-
March 7, 2025मनाङेले २० वर्षको सजायमा २० प्रतिशत छुट पाए
-
March 7, 2025अवैध प्रयोग बढेपछि सरकारले ‘वाकिटकी’को नियमन गर्दै
-
March 7, 2025मन्त्रिपरिषद् बैठकका १९ वटा निर्णय सार्वजनिक (सूचीसहित)
