जापानमा साइकल चलाउँदा मोबाइल प्रयोग गर्नेलाई ६ महिना जेल सजाय हुने
जापानमा साइकल चलाउँदा मोबाइल प्रयोग गर्न निषेध गरिएको छ । यो नियम शुक्रबारदेखि लागु भएको हो ।साइकल चलाउँदा मोबाइल प्रयोग गरेको पाइएमा अधिकतम ६ महिना जेल सजाय हुने प्रावधान जापानले लागु गरेको हो । जापानको संशोधित सडक कानुन अनुसार साइकल चलाएको अवस्थामा मोबाइल प्रयोग गरेको पाइएमा अधिकतम ६ महिना जेल वा १ लाख येन (जापानी मुद्रा) जरिवाना हुने छ ।
जापानी सञ्चारमाध्यमका अनुसार कोभिड महामारीका क्रममा जापानमा सार्वजनिक सवारी साधन प्रयोगकर्ताको संख्या घट्नुका साथै साइकल प्रयोगकर्ता बढेका थिए । पछिल्लो समय जापानमा साइकल चालकसँग सम्बन्धित दुर्घटना बढेका कारण पनि नयाँ नियम बनाइएको जापानी सञ्चारमाध्यमले जनाएका छन् ।
संशोधित कानुन अनुसार मदिरा सेवन गरेर साइकल चलाएको पाइएमा तीन वर्षसम्म जेल र ५ लाख येन जरिवाना हुने छ ।
Recent News
-
February 2, 2025६ महिनामा ७ खर्ब ६३ अर्ब रुपैयाँ रेमिट्यान्स भित्रियो
-
February 2, 2025इरानद्वारा नयाँ ब्यालेस्टिक क्षेप्यास्त्र प्रदर्शन
-
February 2, 2025शेयर बजार ६९ अङ्कले बढेर २७ सय विन्दुमा पुग्यो
