लेबनानमा खटिएका नेपाली शान्ति सैनिक सबै सुरक्षित
काठमाण्डौ ।संयुक्त राष्ट्र सङ्घको आह्वानमा शान्ति स्थापनार्थ लेबनानमा खटिएका सम्पूर्ण नेपाली शान्ति सैनिक सुरक्षित रहेका नेपाली सेनाले जनाएको छ ।
सैनिक प्रवक्ता गौरवकुमार केसीले शान्ति मिसनमा त्यहाँ रहेका नेपाली फौजसँग नियमित सम्पर्क भइरहेको र सम्पूर्ण फौज सुरक्षित रहेको जानकारी दिनुभयो । प्रवक्ता केसीले लेबनानको विकसित परिस्थितिका आधारमा संयुक्त राष्ट्र सङ्घ र मिसन मुख्यालयबाट हुने निर्णय र निर्देशानुसार नेपाली शान्ति सैनिक खटाइने बताउनुभयो ।
शान्ति मिसन वरपर छिटपुट घटना भएका छन्, यसबाट दैनिकी र कार्यसम्पादनमा असर परिरहेको छ, संयुक्त राष्ट्र सङ्घको निर्देशन नेपाली शान्ति सेनाले पालना गर्नेछ, सैनिक प्रवक्ता केसीले भन्नुभयो ।
अहिले लेबनानमा आठ सय ७७ जना नेपाली शान्ति सैनिक छन् । यसैबीच नेपालले लेबनानमा शान्ति सैनिकमाथि इजरायलबाट भएको पछिल्लो आक्रमणको निन्दा गरेको छ ।
Recent News
-
October 15, 2024अन्तर व्यवस्थापिका संघसँग घनीभूत सहकार्य गर्ने नेपालको चाहना
-
October 15, 2024राजनीतिक स्थायित्वका लागि बलिया दलको आवश्यकता छ: शंकर पोखरेल
-
October 15, 2024साफ महिला च्याम्पियनशिपका लागि बङ्गलादेशको टोली नेपाल आइपुग्यो
-
October 15, 2024दशैँ बिदापछिको पहिलो दिन शेयर बजार ३१ अङ्कले बढ्यो
-
October 15, 2024ग्लोबल आइएमई बैंक र महालक्ष्मी विकास बैंकबिच सम्झौता
-
October 15, 2024लेबनानमा खटिएका नेपाली शान्ति सैनिक सबै सुरक्षित