बीपी राजमार्गमा आज साँझदेखि ठुला गाडी पनि चल्ने
काठमाण्डौ । सोमबार बेलुकादेखि बीपी राजमार्गमा ठुला गाडीहरू समेत चल्ने भएका छन् । वर्षासँगैको पहिरोका कारण क्षतिग्रस्त राजमार्गमा नयाँ ट्र्याक खुलाएर केही दिन अघिदेखि साना सवारीसाधन चल्न दिइएकोमा आजदेखि ठुला सवारीसाधन चलाउन लागिएको सडक डिभिजन भक्तपुरले जनाएको छ ।
ठुला सवारीसाधन पास हुन अवरोध हुँदै आएको चौकीडाँडा र माम्ती खोला नजिकको डाइभर्सन आज साँझसम्म सुधार भइसक्ने र त्यसपछि सो सडकमा सञ्चालन अनुमति प्राप्त गरेका सबै प्रकारका सवारीसाधन सञ्चालन हुन सक्ने डिभिजनले जनाएको छ ।
सडक खुला भएपनि क्षतिग्रस्त राजमार्ग क्षेत्रमा सुख्खा पहिरो झर्ने सम्भावना कायमै रहेको भन्दै डिभिजनले रातिको समयमा भने यो क्षेत्रमा यात्रा नगर्न अनुरोध गरेको छ ।
असोज १०, ११ र १२ गतेको वर्षाका कारण यो राजमार्ग अवरुद्ध थियो । उक्त राजमार्ग अन्तर्गत काभ्रेको भकुण्डेबेसीदेखि वर्षेखोला खण्डको ८ किलोमिटर पूर्ण रूपमा बगाएको कार्यालयले जनाएको छ ।
Recent News
-
October 14, 2024विकासमा राजनीतिक सहमति आवश्यक छ: महासचिव पोखेरेल
-
October 14, 2024महिला साफ च्याम्पियनसिप खेल्ने नेपाली टिमको घोषणा
-
October 14, 2024बीपी राजमार्गमा आज साँझदेखि ठुला गाडी पनि चल्ने
-
October 14, 2024ठगी धन्धामा संलग्न नक्कली घुमुवा प्रहरी पक्राउ
-
October 14, 2024मनकामना केबलकार असोज २९, ३० र कात्तिक १ गते बन्द हुने
