रुसमा हुने ब्रिक्स शिखर सम्मेलनमा २४ देशका नेता र राष्ट्रसङ्घका महासचिव सहभागी हुने
काठमाण्डौ । रुसको कजान सहरमा हुने ब्रिक्स शिखर सम्मेलनमा २४ देशका नेतासहित संयुक्त राष्ट्रसङ्घका महासचिव सहभागी हुने क्रेमलिनले जनाएको छ । रुसी राष्ट्रपति भ्लादिमिर पुटिनका विदेश नीति सल्लाहकार युरी उशाकोभले २४ देशका शीर्ष नेता र प्रतिनिधि तथा राष्ट्रसङ्घका महासचिव एन्टोनियो गुटेरेस सहभागी हुने बताउनुभएको समाचार संस्था एएफपीले जनाएको छ ।
भोल्गा नदीको किनारमा रहेको सहरमा उदीयमान अर्थतन्त्र रहेका देशहरुको शिखर सम्मेलन अक्टोबर २२ तारिखदेखि शुरु हुँदैछ । सम्मेलनमा चिनियाँ राष्ट्रपति सी जिनपिङ र इरानी राष्ट्रपति मसुद पेजेश्कियान सहभागी हुने अपेक्षा गरिएको छ ।
शिखर सम्मेलनअघि अक्टोबर १८ मा मस्कोमा एउटा व्यापारिक मञ्च पनि आयोजना गर्ने तयारी छ । यो मञ्चमा रुसी राष्ट्रपति पुटिनले सम्बोधन गर्नुहुनेछ । रुसले पछिल्लो पटक सन् २०१५ मा उफा सहरमा ब्रिक्स शिखर सम्मेलनको आयोजना गरेको थियो ।
Recent News
-
October 11, 2024कीर्तिपुरमा एमालेको केन्द्रीय कार्यालय शिलान्यास
-
October 11, 2024राष्ट्रपति पौडेलद्वारा नौ कन्याको पूजा
-
October 11, 2024पूर्वराष्ट्रपतिद्वारा बडादसैँको शुभकामना
