कोरियाले पाँच लाख अमेरिकी डलर बराबरको सहायता गर्ने
काठमाण्डौ ।गणतन्त्र कोरिया सरकारले हालैको विपद्पछिको पुनःनिर्माणका लागि नेपाललाई पाँच लाख अमेरिकी डलर बराबरको मानवीय सहायता उपलब्ध गराउने भएको छ।
नेपालस्थित कोरियाली दूूतवासले सरकारले आज यस्तो निर्णय गरेको जनाएको हो। यस सहयोगबाट विपद्पछिको पुनःनिर्माण तथा पुनःस्थापना र ती क्षेत्रका बासिन्दाहरूलाई छिट्टै आफ्नो नियमित दैनिक जीवनमा फर्कन मद्दत गर्ने अपेक्षा कोरिया सरकारले गरेको दूतावासले जनाएको छ।
यसैबीच, कोरियाका विदेशमन्त्री चो ताए-युल्कनले परराष्ट्रमन्त्री डा.आरजु राणा देउवालाई सन्देश पठाउँदै नेपालमा आएको बाढीपहिरोबाट भएको क्षतिप्रति दुःख व्यक्त गर्नुभएको जनाइएको छ।
कोरियाली सरकारले विकास तथा सहयोगमा नेपाललाई प्राथमिकतामा राखेको र यसले दुई देशबीचको सहकार्य र मैत्रीपूर्ण सम्बन्धलाई थप मजबुत बनाउने उल्लेख गरेको छ। नेपाल र गणतन्त्र कोरियाबीच कूटनीतिक सम्बन्ध स्थापनाको ५० वर्ष पुगेको छ।
Recent News
-
October 8, 2024नेप्से परिसूचकमा दोहोरो अङ्कको गिरावट
-
October 8, 2024कोरियाले पाँच लाख अमेरिकी डलर बराबरको सहायता गर्ने
-
October 8, 2024राष्ट्रपतिद्वारा सार्वजनिक सेवा प्रसारण विधेयक प्रमाणीकरण
-
October 8, 2024तेलको ट्याङ्करभित्र ३९२ किलो गाँजा, दुईजना पक्राउ
