एकै घरका तीन जनामा हैजा पुष्टि
कठ्माण्डौ । प्युठानमा एकै घरका तीन जनामा हैजाको सङ्क्रमण पुष्टि भएको छ । जिल्लाको गौमुखी गाउँपालिका–५ बस्ने ७१ वर्षीय लक्ष्मीकुमारी मल्ल, ३५ वर्षका मीनबहादुर मल्ल र १२ वर्षीय शिवकुमारी मल्ललाई हैजा पुष्टि भएको गौमुखी गाउँपालिका प्युठानका स्वास्थ्य शाखा प्रमुख हरिप्रसाद जैसीले जानकारी दिनुभएको हो ।
जिल्ला अस्पताल प्युठानमा भएको परीक्षणमा हैजा पुष्टि भएको स्वास्थ्य शाखा प्रमुख जैसीले बताउनुभएको हो । उहाँका अनुसार गौमुखीका ८ जना व्यक्तिमा झाडापखाला देखिएको र त्यसमध्ये ३ जनालाई हैजाको सङ्क्रमण देखिएको हो ।
उहाँल हैजाको सङ्क्रमण देखिएका ३ सहित ५ जनाको जिल्ला अस्पतालमा र अन्यको गौमुखीस्थित स्वास्थ्य संस्थामा उपचार भइरहेको बताउँदै बर्खायामसँगै पानीजन्य रोग बढ्ने भएकाले पानी उमालेर खान पनि अनुरोध गर्नुभएको छ ।
Recent News
-
April 2, 2025काठमाण्डौमा शिक्षकहरूको प्रदर्शन
-
April 2, 2025शेयर बजार दोहोरो अङ्कले बढेयो
