फर्निचरमा आगलागी हुँदा एक घरमा क्षति
काठमाण्डौ । भक्तपुरको कौशलटारमा आगलागी हुँदा एक घरमा क्षति पुगेको छ ।
गएराति साढे १० बजे मध्यपुरथिमी नगरपालिका–३ कौशलटारस्थित शंकर कटुवालको घरमा आगलागी भएको हो ।
दुइतले घरको पहिलो तल्लामा फर्निचर उद्योग सञ्चालनमा रहेको थियो । फर्निचर उद्योगमा विद्युत् सर्ट भएर आगलागी भएको भक्तपुरका प्रमुख जिल्ला अधिकारी रोशनी कुमारी श्रेष्ठले जानकारी दिनुभयो ।
आगलागीबाट त्यहाँ रहेका प्लाइउड, आल्मोनियम र पाइपको जलेर नष्ट भएका छन् । घरमा कोही नभएकाले मानवीय क्षति भने हुन पाएन ।
आगलागीपछि उपत्यकाका विभिन्न स्थानीय तहबाट पाँच वटा दमकल परिचालन गरिएको थियो । आगलागी राति पौने १२ बजे नियन्त्रणमा आएको जिल्ला प्रहरी कार्यालय भक्तपुरले जनाएको छ ।
Recent News
-
April 3, 2025वायु प्रदूषण रोक्न हप्तामा २ दिन बिदा दिन विज्ञको सुझाव
-
April 3, 2025सर्वोच्च अदालतले कुलमान घिसिङको रिटमा अन्तरिम आदेश दिएन
