निर्वाचन आयुक्त कृष्णमान प्रधानबारे निर्णय गर्न आज संसदीय सुनुवाइ समितिको बैठक बस्दै
काठमाण्डौ । प्रस्तावित निर्वाचन आयुक्त कृष्णमान प्रधानबारे निर्णय गर्न संघीय संसदको संसदीय सुनुवाइ समितिको बैठक आज बस्दै छ ।
उनीमाथिको सुनुवाइ सकिइसकेको र आज अन्तिम निर्णय गर्न बैठक बोलाइएको हो । समितिको बैठक आज बिहान साढे ११ बजे बोलाइएको छ ।
२ असारमा संवैधानिक परिषदको बैठकले प्रधानलाई निर्वाचन आयुक्तमा नियुक्त गर्न सिफारिस गरेको थियो । त्यसपछि संसदीय सुनुवाइ समितिले उजुरी आह्वान गर्दा एक महिलाले आफूलाई प्रधानले यौन शोषण गरेको उजुरी दिएकी थिइन् ।
त्यसपछि सुनुवाइ समितिले उजुरीकर्तासँग र प्रधानसँग पनि यस विषयमा छलफल गरेको थियो । ९ साउनमा प्रधानसँग छलफल गरेपछि सुनुवाइ समिति बैठक स्थगित गरिएको थियो । यसबीचमा प्रधानको अनुमोदनका विषयमा प्रमुख दलका सांसदहरुले आफ्नो शीर्ष नेतासँग छलफल गरेका छन् ।
Recent News
-
March 31, 2025गोकर्णेश्वरमा युवकको हत्यामा संलग्न ६ जना पक्राउ
-
March 31, 2025बागमती प्रदेशमा भोलि सर्वदलीय बैठक बस्दै
-
March 31, 2025महिला टी–२० विश्वकप एशिया छनोटका लागि २८ खेलाडी प्रशिक्षणमा
