नेकपा समाजवादीले घोषणा गर्यो ९३ सदस्यीय केन्द्रीय कार्यसमिति
काठमाण्डौ । नेकपा (एकीकृत समाजवादी) ले ९३ सदस्यीय केन्द्रीय कार्यसमिति घोषणा गरेको छ । गएको १६ गते सुरु भएको पार्टीको दशौँ राष्ट्रिय महाधिवेशनको अध्यक्ष मण्डलका अध्यक्ष झलनाथ खनालले आज ९३ सदस्यीय केन्द्रीय समिति घोषणा गर्नुभएको हो ।
९३ जना केन्द्रीय कार्यसमिति सदस्यहरूलाई निर्वाचन विभाग आयोग प्रमुख माधव पौडेले शपथ ग्रहण गराउनुभयो । दुई सय ९९ सदस्यीय केन्द्रीय कमिटी रहने व्यवस्था गरेको पार्टीले बाँकी सदस्य आउँदो १० दिनभित्र पूर्णता दिने जनाएको छ ।
काठमाण्डौमा सम्पन्न पार्टीको महाविधेशनले माधवकुमार नेपाललाई सर्वसम्मत अध्यक्षमा चयन गरिसकेको छ । त्यस्तै सम्मानित नेतामा झलनाथ खनाल र महासचिवमा घनश्याम भुसाल पनि सर्वसम्मत चयन भइसक्नुभएको छ ।
Recent News
-
March 18, 2025निजी विमान कम्पनीहरूले रामेछाप विमानस्थलबाट लुक्ला उडान थाले
-
March 18, 2025काठमाण्डौ विश्वविद्यालयका नवनियुक्त उपकुलपतिको शपथ
