कतारबाट काठमाण्डौ ओर्लिएका ३ जना सुनसहित पक्राउ
काठमाण्डौ । कतारबाट काठमाण्डौ ओर्लिएका एक जना ८१.६३ ग्राम सुनसहित पक्राउ परेका छन् । काठमाण्डौ उपत्यका अपराध अनुसन्धान कार्यालयको टोलीले सिनामंगलबाट बाँकेको खजुराका २४ वर्षीय मोहम्मद दिलसाद खाँलाई पक्राउ गरेको हो ।
खाँलले लगाएको पाइन्टको कम्मर भागमा टिस्युले बेरेर लुकाएको अवस्थामा ६९.८९ ग्राम सुनको ब्रासलेट र ११.६५ ग्राम सुनको बेरुवा औँठी बरामद भएको काठमाण्डौ उपत्यका अपराध अनुसन्धान कार्यालयका प्रमुख सानुराम भट्टराईले जानकारी दिनुभयो ।
प्रहरीकाअनुसार खाँकै जानकारीका आधारमा अन्य दुईजना पनि पक्राउ परेका छन् । पक्राउ पर्नेमा नवलपरासीको गैडाकोटका ४३ वर्षीय सन्तोष परियार र तनहुँको भानु नगरपालिकाका २५ वर्षीय अन्जिल गुरुङ रहेका छन् ।
Recent News
-
March 16, 2025चट्याङ लागेर १जनाको मृत्यु
-
March 16, 2025राष्ट्रपति पौडेलद्वारा चार विधेयक प्रमाणीकरण
-
March 16, 2025शेयर बजार दोहोरो अङ्कले घट्यो
