नख्खु दोबाटोमा बसको ठक्करबाट स्कुटरमा सवार यात्रुको मृत्यु
काठमाण्डौ । ललितपुरको नख्खु दोबाटोमा बसको ठक्करबाट स्कुटरमा सवार एक जनाको मृत्यु भएको छ।
सोमबार दिउँसो साढे १२ बजे ललितपुर महानगरपालिका वडा नम्बर ४ स्थित नख्खु दोबाटोमा बसले स्कुटरलाई ठक्कर दिँदा एक जनाको मृत्यु भएको जिल्ला प्रहरी परिसर ललितपुरका एसपी नरेशराज सुवेदीले जानकारी दिए।
बा ४ ख १०४ नम्बरको बसले प्रदेश १–०२–०५१ प ३८५० नम्बरको स्कुटरलाई ठक्कर दिएको थियो।
ठक्करबाट राइड सेयरिङ एपका चालक महालक्ष्मी नगरपालिका वडा नम्बर ९ लामाटार बस्ने ४५ वर्षीय भोपाल अधिकारी र भक्तपुर बोडे बस्ने ४६ वर्षीया सबिता थापा घाइते भएका थिए।
उनीहरू दुबै जनालाई अल्का अस्पताल लगिएको थियो। त्यहाँ उपचारको क्रममा सबिता थापाको मृत्यु भएको एसपी सुवेदीले बताउनु भयो ।
प्रहरीले बसका चालकलाई नियन्त्रणमा लिएको छ। यसबारे प्रहरीले थप अनुसन्धान अघि बढाएको छ ।
Recent News
-
February 6, 2025रवि लामिछानेलाई ५४ लाख धरौटीमा छाड्न चितवन अदालतको आदेश
-
February 6, 2025थाइल्यान्डको पहिलो हार, नेदरल्यान्ड्ससँग १ विकेटले पराजित
-
February 6, 2025अब पानामा नहर हुँदै जाने अमेरिकी जहाजले कुनै शुल्क तिर्न नपर्ने
-
February 6, 2025शेयर बजार ११ अङ्कले घटेर २७ सय विन्दुमुनि झरेयो
