नेकपा एमाले भोजपुरको अध्यक्षमा मकर खड्काको प्यानलै विजयी
काठमाण्डौ । एमाले भोजपुरको अध्यक्षमा मकर खड्काको टिम नै विजयी भएको छ ।अध्यक्ष शरणकुमार राईको प्यानललाई हराउँदै खड्काको प्यानलले नेतृत्व हत्याएको हो । खड्का यसअघि जिल्ला कमिटी उपाध्यक्ष हुनुहुन्थ्यो ।
अध्यक्षमा निर्वाचित मकरले ३१७ भोट पाउँदा शरण राईले २२३ पाउनुभएको छ । दुईजनाबीच ९४ भोटको अन्तर छ ।
उपाध्यक्षमा किरण राई ३११ मत ल्याएर विजयी हुनुभएको छ भने कृपाशुर शेर्पाले २१६ भोट पाउनुभयो । सचिवमा ३४७ भोट ल्याएर एक्सन राई विजयी हुँदा ज्ञानेन्द्र कार्कीले १६८ भोटमात्र ल्याउनुभयो । पत्रकार महासंघ भोजपुर शाखाका अध्यक्षसमेत रहेका एक्सनले पदाधिकारीमा सबैभन्दा बढी मत प्राप्त गर्नुभएको हो ।
उपसचिवमा ३०४ भोट ल्याएर दौलथ कुलुङ राई विजयी हुनुभयो भने जगतबहादुर चौहानले १७३ भोट र साइती राईले ११ भोट प्राप्त गर्नुभएको छ ।
महिला उपसचिवमा रमादेवी राई २९३ भोट ल्याएर विजेता बन्दा मेरिका राई २१६ भोटमा रोकिनुभयो ।
नेतृत्व चयनका लागि ६०८ जना प्रतिनिधिमध्ये ५७३ जनाले मतदान गरेका थिए ।
Recent News
-
February 6, 2025परिक्षणका लागि पानीमुनि टेलिस्कोप राख्न चिनियाँ वैज्ञानिक सफल
-
February 5, 2025बेलायतकी अधिराजकुमारीद्वारा कीर्तिपुर आँखा अस्पतालको अवलोकन
-
February 5, 2025रवि लामिछानेलाई प्रहरीको जिम्मामा पठाइयो
-
February 5, 2025बस र मोटरसाइकल ठोक्किँदा १ जानको मृत्यु
-
February 5, 2025ठमाडौँ–तराई/मधेस दू्रतमार्ग आयोजनाबारे प्रधानमन्त्रीलाई ब्रिफिङ
