जनकपुरको एक गेष्ट हाउसमा महिला र पुरूष मृत भेटिए
काठमाण्डौ । जनकपुरको रमानन्दचोकमा रहेको होलिडे एण्ड गेष्ट हाउसमा एक महिला र पुरुष मृत अवस्थामा भेटिएका छन् ।
महोत्तरीको पिपरा गाउँपालिका–३ का ३१ वर्षीय हितेन्द्र पासवान र महोत्तरीको लोहारपट्टी नगरपालिका–४ खट्टाकी अन्दाजी २५ वर्षीय प्रियंका कापर झुण्डिएको अवस्थामा भेटिएका हुन् ।
मंगलबार बिहान ११ बजेतिर कोठा नम्बर २०५ मा दुवैजनाको शव झुण्डिएर मृत्यु भएको अवस्थामा भेटिएको धनुषाका प्रहरी प्रवक्ता डीएसपी रञ्जन अवाले बतानुभयो ।
कोठाभित्र महिलाकी साढे २ वर्षकी बालिका रोइरहेको आवाज सुनिएपछि झ्यालबाट हेर्दा वयस्कहरु झुण्डिएको देखेपछि गेष्ट हाउस सञ्चालकले प्रहरीलाई खबर गरेका थिए । घटनाबारे थप अनुसन्धान भइरहेको प्रहरीले जनाएको छ ।
Recent News
-
March 14, 2025रुस र युक्रेनद्वारा एकअर्कामाथि ड्रोन आक्रमणलाई निरन्तरता
-
March 14, 2025रुखले च्यापिएर दैलेखमा २ जनाको मुत्यु
