गृहमन्त्री लामिछानेमाथि छानबिन गर्नुपर्ने कांग्रेसको माग कायमै
काठमाण्डौ । नेपाली कांग्रेसले सहकारीको रकम हिनामिना प्रकरणमा गृहमन्त्री रवि लामिछानेमाथि छानबिनका लागि समिति गठन गर्नुपर्ने अडान दोहोएको छ ।
प्रतिनिधि सभाको बैठकमा कांग्रेस सांसद ईश्वरी न्यौपानेले गृहमन्त्री लामिछानेमाथि छानबिन गर्न समिति गठनको माग गर्नुभयो ।
उहाँले अर्को बैठकसम्म समिति गठन नभएमा संसद बैठक अवरुद्ध गर्ने चेतावनी पनि दिनुभयो । पोखराको सूर्यदर्शन सहकारी संस्थाका बचतकर्ताले लामिछानेविरुद्ध पनि जिल्ला प्रहरी कार्यालय कास्कीमा उजुरी दिएका र पोखरा महानगरपालिकाले बनाएको छानबिन समितिले पनि सूर्यदर्शन सहकारी संस्थाको रकम हिनामिना भएको देखाएकोले छानबिन आवश्यक भएको उहाँको भनाइ छ ।
प्रधानमन्त्री पुष्पकमल दाहाल प्रचण्डले हिजो (मंगलबार) प्रतिनिधि सभाको बैठकमा लामिछानेमाथि अनुसन्धान गर्न आवश्यक नभएको जिकिर गर्नुभएको थियो । त्यसमा आपत्ति जनाउँदै सांसद न्यौपानेले सदस्य नभएको व्यक्तिले पैसा लिन नपाउने कानूनी व्यवस्था भएकाले लामिछानेले कसरी पैसा लिए भनेर प्रश्न गर्नुभयो ।
Recent News
-
February 3, 2025विद्यार्थीलाई गलत सङ्गतमा पर्न दिइनु हुँदैन: प्रधानमन्त्री ओली
-
February 3, 2025काठमाण्डौलाई छिटै प्लाष्टिकमुक्त बनाइन्छ: वनमन्त्री ठकुरी
-
February 3, 2025बालुवाटारमा मन्त्रिपरिषद् बैठक बस्दै
-
February 3, 2025सरकार ज्येष्ठ नागरिकप्रति सचेत र संवेदनशील छ : उपप्रधानमन्त्री पौडेल
-
February 3, 2025त्रिदेशीय महिला टी–२० शृङ्खलामा थाइल्यान्डको लगातार तेस्रो जीत
-
February 3, 2025उत्तरी सिरियामा कार बम विष्फोट, १५ जनाको मृत्यु