रोमाञ्चक खेलमा नेदरल्यान्ड्ससँग नेपालको हार
काठमाण्डौ । दीपेन्द्रसिंह ऐरीले विस्फोटक ब्याटिङ गरे पनि नेपाल त्रिकोणीय टी २० सिरिजको दोस्रो खेलमा बुधबार नेदरल्यान्ड्ससँग पराजित भएको छ ।
अन्तिम ओभरमा नेपाललाई १५ रन चाहिएको अवस्थामा नेदरल्यान्ड्सका रोइले भान डेरले मात्र १२ रन दिएर दीपेन्द्रसिंह ऐरीको विकेट लिए । जसका कारण नेपाल ३ रनले पराजित हुन पुगेको हो ।
टस हारेर पहिला ब्याटिङ गरेको नेदरल्यान्ड्सले १८५ रनको लक्ष्य दिएको थियो । नेपालले ८ विकेट गुमाएर १८२ रन मात्र बनाउन सक्यो । प्रतिशत जीसीले अन्तिम दुई बलमा चार रन बनाउनुपर्ने बेला उनले पहिलो बल डट खेले भने अन्तिम बलमा लेगबाइबाट एक रन मात्र आयो ।
नेपालका लागि दीपेन्द्रसिंह ऐरीले ३४ बलमा ६३ रन बनाए । उनले ६ चौका र तीन छक्का प्रहार गरेका थिए । यस्तै कप्तान रोहित पौडेलले ३६ बलमा ५० रन बनाएका थिए ।
सिरिजको पहिलो खेलमा नेपाल नामिबियासँग २० रनले पराजित भएको थियो ।
Recent News
-
February 2, 2025६ महिनामा ७ खर्ब ६३ अर्ब रुपैयाँ रेमिट्यान्स भित्रियो
-
February 2, 2025इरानद्वारा नयाँ ब्यालेस्टिक क्षेप्यास्त्र प्रदर्शन
-
February 2, 2025शेयर बजार ६९ अङ्कले बढेर २७ सय विन्दुमा पुग्यो
